Malas

Sunod sunod kamalasan ko lately. Una, yung cellphone ko na nadukot habang nasa MRT Ayala station ako. Hanggang ngayon di ko pa napapalitan kasi wala ako oras para pumila sa Globe para kumuha ng postpaid plan. May cash ako kaso nanghihinyang ako eh (read: kuripot ako). Tska nawiwili na din ako sa pagtuturo sa pinsan ko sa math assignments at projects nya. Narereview ko yung rules of exponents, operations on polynomials (synthetic division ftw!) at ang paborito kong factoring. Feeling ko ang galing galing ko sa math. Nakakalimutan ko na take two ko ang Math 17 nung college.

Pangalawa, nabasag yung paborito kong baso sa bahay. Di ko alam sa inyo pero isang plato, kutsara, tinidor at baso lang ginagamit ko sa bahay. Di ako gumagamit ng iba. Ayaw ko gumamit ng iba. Maswerete naman ako na nasasakyan to ng mga nakakasama ko sa bahay. Eh ayun nga nabasag yung baso ko. Free yun galing sa Coke eh. Naramdaman ng lola ko na nalungkot ako sa pagkabasag ng baso ko kaya inuto nya ko na gamitin yung basong kakakuha pa lang nya sa eskaparate. Bumili na lang daw ako ng baso pag naligaw ako sa mall.

Pangatlo, nasira yung screen ng laptop ko. Katabi ko kasi matulog si laptop kasi pinapanood ko yung live performance ng So Close (Jon McLaughlin) sa Academy Awards bago matulog. Mag-iisang buwan ko na yata ginagawa yun. Eh tapos ayun nagising ako madaling araw kasi may narining akong kumalabog. Di ko pinansin. Kinabukasan nasa lapag na yung laptop. Hindi basag yung screen pero basag na basag yung display.

Naisip ko nga kahapon, habang nasa The Block ako at nanood ng mgs tao (people watching), baka binigyan ako ng pahiwatig ng Universe na putulin muna na ang komunikasyon ko sa mundo. Haha. Eh kasi cellphone tapos internet. Gusto yata muna ng mga bituin na mapag-isa ako. Pero dahil matigas ang ulo ko hindi ko papansinin ang mga signs. Hahaha.

Okay tama na petiks. Back to work.